კორცხელის ინციდენტის მონაწილე ვლადიმერ გეგეშიძე კატეგრიულად უარყოფს „ნაციონალური მოძრაობის“ წევრების მიერ დღეს გავრცელებულ ინფორმაციას, თითქოს ინციდენტის მონაწილე პირებმა „კალა კაპიტალისგან“ თანხა მიიღეს. როგორც 2030-ს გეგშიძემ განუცხადა, კახა კალაძეს არ იცნობს და მხოლოდ ორჯერ ყავს აქციაზე ნანახი.
“რა შუაშია კახა კალაძე. ადამიანი რომ შეურაცხყოფას მომაყენებს, კახა კალაძეს უნდა დავურეკო, შეურაცხყოფა მომაყენეს და რა ვქნა, დავარტყამეთქი? არც ვიცნობ ამ ადამიანს, ერთი ორჯერ მყავს აქციაზე ნანახი. მეცინება კიდეც, ამაზე კომენტარი როგორ გავაკეთო. მაგათ ეშინიათ ჩვენი, რადგან ვართ სიმართლის ხალხი. ძალიან კარგად იციან, რომ მე იქ ფულის გულისთვის არ ვყოფილვარ. მიცნობენ მე ეგენი კარგად და სწორედ ამიტომ ეშინიათ“,-აღნიშნა გეგეშიძემ.
„ერთიანი ნაციონალური მოძრაობის” წევრების ინფორმაციით, კორცხელის ინციდენტში მონაწილე პირებს „კალა კაპიტალი“ ფულს ურიცხავდა. როგორც ირმა ნადირაშვილმა პრესკონფერენციაზე განაცხადა, აქვს დოკუმენტები, რომლის მიხედვითაც მტკიცდება ვიცე-პრემიერ კახა კალაძის უშუალო კავშირი კორცხელში ორგანიზებულ ძალადობასთან.
2030news