ბათუმში, ხანძრის დროს გარდაცვლილი ირანის მოქალაქის ძმა აჭარის პოლიციის მთავარ სამმართველოში იმყოფებოდა. როგორც გარდაცვლილის ძმა აცხადებს, უქმე დღის გამო ცხედარს სამშობლოში ვერ ატანენ. გარდაცვლილის ძმამ საკითხის გარკვევის მიზნით პოლიციას მიმართა. ინფორმაციას ipn-ი ავრცელებს.
ირანის მოქალაქის თქმით, მისი ძმა ბიზნესმენი იყო და საქართველოში საქმიანი ვიზიტით იმყოფებოდა.
ბათუმში დატრიალებული ტრაგედიის გამო, 27 ნოემბერი საქართველოში გლოვის დღედ გამოცხადდა.
ბათუმში, სასტუმრო „ლეოგრანდში“ ხანძრის შედეგად დაღუპულია 11 ადამიანი, მათგან საქართველოს 10 და ირანის ერთი მოქალაქე. დაშავდა 21 ადამიანი, მათგან ერთი ისრაელის მოქალაქეა, 5 კი – თურქეთის. მომხდარ ფაქტთან დაკავშირებით, გამოძიება სახანძრო უსაფრთხოების წესის დარღვევის მუხლით მიმდინარეობს.
ხანძარი სასტუმრო „ლეოგრანდში“ 24 ნოემბერს, დაახლოებით 20:00 საათზე გაჩნდა.