თბილისში, სპეცოპერაციის დროს დაკავებული პირის ვინაობა გახდა ცნობილი. როგორც “იმედს” სააპელაციო სასამართლოში განუცხადებს, ეს საედი დუდაევია და არა ჩეჩენი მებრძოლი სუხო დუდაევი, რომელიც 2010 წელს ლაფანყურის სპეცოპერაციაშიც მონაწილეობდა. მანამდე ვრცელდებოდა ინფორმაცია, თითქოს დაკავებული სუხო დუდაევი იყო.
სააპელაციო სასამართლოში სპეცოპერაციისას დაკავებულის საქმეს მოსამართლე გიორგი მიროტაძე განიხილავს. მოსამართლე მიროტაძეს საქმის განსახილველად 72 საათიანი ვადა აქვს. ზუსტი დრო, როდის შედგება სააპელაციო სასამართლოში პროცესი უცნობია.
“განაცხადი 20 წუთის წინ შემოვიდა და საქმე დაეწერა მოსამართლე მიროტაძეს განსახილველად. დიდი ალბათობით პროცესი დღეს ვერ გაიმართება”- განუცხადეს “იმედს” სააპელაციო სასამართლოში.
კომენტარები