ჰაკერებმა ტერორისტული დაჯგუფება „ისლამური სახელმწიფოს“ „ტვიტერის“ რამდენიმე გვერდი გატეხეს და იქ ლგბტ თემის აღმნიშვნელი ფოტო გამოაქვეყნეს.
აღნიშნულ ქმედებაზე პასუხისმგებლობა ჰაკერულმა დაჯგუფება Anonymous-მა საკუთარ თავზე აიღეს.
ჰაკერმა მეტსახელად WauchulaGhost -მა განაცხადა, რომ უკანასკნელი რამდენიმე თვის განმავლობაში ექსტრემისტების 250-მდე „ტვიტერის“ გვერდის გატეხვა შეძლო. თავიდან იქ პორნოგრაფიული ხასიათის ვიდეოებს აქვეყნებდა, უკანასკნელი პოსტი კი ორლანდოს გეი-კლუბში მომხდარ თავდასხმას მიუძღვნა.
„ძალიან ბევრი ადამიანი მოკვდა, მე კი გავიფიქრე, რომ ამ ადამიანების დასაცავად და „ისლამური სახელმწიფოს“ წინააღმდეგ რაღაცის გაკეთება შემეძლო“, – აღნიშნა ჰაკერმა.
კომენტარები