თურქეთის, ქალაქ ორდუში 40 წლის ქართველი ემიგრანტი, ნესტან სურმანიძე გარდაიცვალა. გარდაცვლილი 5 წელი იყო ემიგრაციაში. მისი გარდაცვალების მიზეზი ნერვიულობის ფონზე გულის შეტევა გახდა.
გარდაცვლილის დისშვილის განცხადებით, ოჯახმა, სადაც ნესტანი მუშაობდა 5 წლის ნამუშევარი თანხა არ გადაუხადა.
,,ემიგრაციაში 5 წელი იყო. ქმარ-შვილი არ ყავდა. ის სრულიად ჯანმრთელი იყო. სახელს და გვარს არ დავასახელებ, მაგრამ თურქეთიდან ერთ-ერთმა ემიგრანტმა დამირეკა და მითხრა, რომ დეიდას საკმაოდ დიდი ფული ჰქონდა ასაღები, რაც ოჯახმა არ გაუხადა და ნერვიულობის შედეგად გულზე დაარტყა. ტყუილად არ დაიღუპებოდა, გული არ აწუხებდა. მხოლოდ ის ვიცი, რომ ოჯახმა, სადაც მუშაობდა 5 წლის ნამუშევარი თანხა არ გადაუხადა. 2500 ლირა მისცა მიცვალებული, რომ გადმოესვენებინათ”, – განაცახადა დისშვილმა.
კითხვაზე თუ რატომ იმუშავა ამდენი წლის განმავლობაში უხელფასოდ, გარდაცვლილის დისშვილი ამბობს, რომ თანხის ერთიანად აღება უნდოდა ბინის საყიდლად. გარდაცვლილი უკვე ჩამოასვენეს საქართველოში, კახეთში და სამშაბათს დაკრძალავენ.
,,პრაიმტაიმი”