მსახიობი თემურ გვალია, სოციალურ ქსელში სკანდალურ სტატუსს აქვეყნებს:
“ესეიგი, რაღაცა სამი კვირის წინ, დამირეკეს ტელევიზია “იმედიდან”. მთხოვეს გადაცემა “პრაიმშოუში” მიმეღო მონაწილეობა. დავთანხმდი და გადაცემაც ჩაიწერა. დღეს იყო “იმედის” ეთერში…
აქამდე გადიოდა რეკლამა ამ გადაცემის, სადაც სხვა გადაცემის მონაწილეებთან ერთად, მეც ვჩანვარ ეპიზოდში, სადაც ვსაუბრობ.. გადაცემაში მეც დავაფიქსირე ჩემი აზრი.. ეტყობა გადაცემის პროდიუსერ ქალბატონს, არ მოეწონა რაღაცა. რაღაცა კი არა, არ მოეწონა იმ “დაზარალებული” გოგონას წინააღმდეგ რომ რამდენიმე წინადადება ვთქვი… რაც არ უნდა მეთქვა, ეს ჩემი აზრი იყო… დღეს ვუყურებ გადაცემას და მთელი გადაცემის განმავლობაში, მხოლოდ სკამზე ვზივარ და ვუსმენ… 
ჩემი საუბარი, საერთოდ ამოჭრეს… გასაგებია რომ “მაქაური წესია”.. 
დავუშვათ არ ჩათვალე საჭიროდ ჩემი “ბღავილის” ეთერში გაშვება… მაგრამ ნუთუ იმის კულტურა არ უნდა აღმოგაჩნდეს ადამიანს, რომელსაც უშუალოდ ქვეყნის მოსახლეობასთან გაქვს რეგულარული კომუნიკაცია, რომ ასეთ შემთხვევაში დაუკავშირდე გადაცემის მონაწილეს და უთხრა, რომ თქვენს საუბარს ვჭრით გადაცემიდანო? ხო მომიყვანე შე დალოცვილო? მოვედი, მივიღე მონაწილეობა (მივქარე) და იმის ღირსი არ ვიყავი, რომ აგეხსნათ თუ რატომ დამსვით 5 საათის განმავლობაში ტყუილად გადაცემის სტუდიაში? ან რა იყო მიზეზი ჩემი საუბრის ამოჭრისა? რა, მეკაიფეთ?
არ გეგონოთ ეკრანის ხამი ვიყო და იმიტომ ვწერ ამ ყველაფერს. სიმართლე გითხრათ, არ მინდოდა წასვლა, მაგრამ ისეთი გვარები დამისახელეს ჩემი მართლა მეგობრების, ვინც იქ იქნებოდა, რომ დავთანხმდი.
მოკლედ გეტყვით ქალბატონო მაია: თქვენ უზრდელურად მოიქეცით.. ძალიან არა-პროფესიონალურად და შეიძლება ითქვას მდაბიოდ… სირცხვილია ეს ყველაფერი..
მე გადაცემის წამყვანებთან არანაირი პრეტენზია არ მაქვს, მაგრამ თქვენ ქალბატონო მაია, რაღაცა მისამართი შეგეშალათ მგონი… აგერიათ აშკარად რაღაცეები… ქალბატონი ბრძანდებით და დანარჩენისგან თავს შევიკავებ….
აი ზუსტად თვენი საქციელით, თქვენვე გაეცით ამ გადაცემაში დასმულ შეკითხვებს პასუხი…
არა, მართლა გულიანად მეცინება… რომელ წესებზე და აკრძალვებზე ლაპარაკობთ, როცა თავად არღვევთ ეთიკას და პროფესიონალურ წესებს? რაღაცა აზრი მოგწონთ, რაღაცა არა?….
ეგრე გააგრძელეთ ქალბატონო და დიდებით ივლით მთელი ცხოვრების განმავლობაში..
აი ეს სურათი რომელიც გადაცემიდანაა ამოღებული, ზუსტად გამოხატავს ჩემს დამოკიდებულებას თქვენდამი…
სირცხვილია ასე მოქცევა!”-წერს გვალია.