კერძო სკოლა „ოქროს აკვანის“ დირექტორი მაია მიქაძე აცხადებს, რომ მისი მოსწავლე უკონფლიქტო ბავშვია.
მისი თქმით, მოზარდი კერძო სკოლაში სექტემბრში გადავიდა, მანამდე იგი ვარკეთილში, 117-ე საჯარო სკოლაში სწავლობდა. „მოზარდს კონფლიქტი არავისთან ჰქონია და დღეს გაკვეთილებს ესწრებოდა. არის აბსოლუტურად უკონფლიქტო, მშვიდი და კარგი ბავშვი და ისიც არ ვიცი, როგორ არის,“ – განაცხადა მაია მიქაძემ.
დაჭრილი მოსწავლე ამჟამად, ინგოროყვას კლინიკაშია მოთავსებული, სადაც მას სასწრაფო ოპერაცია უტარდება.
ექიმის თქმით, მოზარდს 4-5 ჭრილობა აქვს მიყენებული გულ-მკერდისა და წელის არეში.
შს სამინისტროს ინფორმაციით, გამოძიება განზრახ მკვლელობის მცდელობის მუხლით მიმდინარეობს. შემთხვევა რუსთაველის გამზირზე, მოსწავლე ახალგაზრდობის სასახლის სკვერში, რამდენიმე საათის წინ მოხდა.
კომენტარები