ძალიან საინტერესო შეხვედრა იყო, ყოველთვის საინტერესოა ბიზნესის წარმომადგენლებთან ასეთი ფორმატის შეხვედრის ორგანიზება, – განაცხადა „თიბისი ბანკის” სამეთვალყურეო საბჭოს თავმჯდომარემ, მამუკა ხაზარაძემ.
როგორც მამუკა ხაზარაძემ სასტუმრო „ქორთიარდ მარიოტში“ აღნიშნა, ძალიან საინტერესოა ისეთ ადამიანთან ურთიერთობა, რომელმაც ოთხი წლის წინ შეცვალა რეალობა.
„შევხვდი ადამიანს, რომელიც არის ქვეყანაში ყველაზე გავლენიანი ბიზნესმენი, რომელმაც ოთხი წლის წინ შექმნა პოლიტიკური პარტია, შეცვალა რეალობა, დააკომპლექტა მთავრობა. ბუნებრივია, ასეთ ადამიანთან ურთიერთობა და საუბარი არის ძალიან საინტერესო. შესაბამისად, ამ ფორმატს რას დაარქმეთ, ეს იყო საზოგადოება „მოქალაქე“, 2030, თუ ბიზნესმენთა ასოციაციის მოწვეული, ამას ჩემთვის არანაირი მნიშვნელობ არ აქვს. მთავარია, რომ ყველამ ერთად დღეს ვისაუბრეთ ქვეყნის მომავალზე, ვისაუბრეთ, რა უნდა გავაკეთოთ, რათა ქვეყანა უფრო სწრაფად განვითარდეს, ჩვენი მოსახელობის მდგომარეობა გაუმჯობესდეს, ერთხელ და სამუდამოს საქართველოში იყოს მშვიდობა, სტაბილურობა და დავლათი“, – განაცხადა მამუკა ხაზარაძემ.