ყოფილი პრემიერ-მინისტრი ბიძინა ივანიშვილი მიიჩნევს, რომ კარგი იქნებოდა შს ყოფილი მინისტრის ვანო მერაბიშვილის ციხიდან გაყვანის საქმეზე გამოძიება თავის დროზე დაწყებულიყო.
,,გამოძიება დაიწყო და დაველოდოთ გამოძიებას. ჩემი აზრით, კარგი იყო, გამოძიება თავის დროზე დაწყებულიყო”, – თქვა ბიძინა ივანიშვილმა.
ყოფილი პრემიერ-მინისტრის ვანო მერაბიშვილის წინასწარი პატიმრობის პერიოდში, მისი ციხიდან გაყვანის ფაქტზე, პროკურატურამ გამოძიება დაიწყო. ადამიანის უფლებათა ევროპული სასამართლოს 2016 წლის 14 ივნისის გადაწყვეტილების საფუძველზე, საქართველოს მთავარი პროკურატურის ცალკეულ ნაწილში დაიწყო გამოძიება საჯარო მოხელეთა სამსახურებრივი უფლებამოსილების შესაძლო გადამეტების ფაქტზე, სისხლის სამართლის კოდექსის 333-ე მუხლის პირველი ნაწილით გათვალისწინებული დანაშალებრივი ნიშნებით.