არსებული ინფორმაციით, ცოტა ხნის წინ დევდორაკის ხეობაში მეწყერი ჩამოწვა.
აღნიშნულის გამო საბაჟო გამშვები პუნქტი ”ყაზბეგის” თანამშრომლები ერთ-ერთ მონასტერში გადაიყვანეს. მათივე ინფორმაციით, დევდორაკზე მოძრავი ლაფი ჩამოდის, რის გამოც ხეობა ორივე მხრიდან ჩახერგილია.
როგორც ”ინტერპრესნიუსს” შინაგან საქმეთა სამინისტროს სსიპ საგანგებო სიტუაციების მართვის სააგენტოში განუცხადეს, ადგილზე წყლის დონე მცირედითაა მომატებული, რის გამოც პრევენციის მიზნით, ორმხრივი მოძრაობა დროებით გადაკეტილია და სიტუაციის განეიტრალებისთანავე აღდგება.
შემოსვლების სამსახურის ინფორმაციით, საბაჟოზე ყველანაირი ავტოტრანსპორტისა და ფიზიკური პირის გადაადგილება ამ ეტაპზე შეჩერებულია. როგორც რეგიონული განვითარებისა და ინფრასტრუქტურის სამინისტროში განაცხადეს, აღნიშნულთან დაკავშირებით უწყება განცხადებას გაავრცელებს.