მოქალაქეები, რომლებიც მეტროსადგურ „ვარკეთილში“ მომხდარ შემთხვევას შეესწრნენ, მომხდარის დეტალებს იხსენებენ.
„ხმა ვერ გავიგე, იმიტომ, რომ ყურსასმენები მეკეთა, უცბად ხალხის მასა მომაწვა და წამოვიდა ნამსხვრევები, როგორ ამოვედი ესკალატორიდან არც მახსოვს, უბრალოდ, უკან რომ გავიხედე, საშინელება ხდებოდა – ხალხი იყო მოყოლილი ნანგრევებში“, –აცხადებს ერთ–ერთი თვითმხილველი.
კიდევ ერთი თვითმხილველი ამბობს, რომ ჭერი იმ დროს ჩამოინგრა, როდესაც მატარებლიდან მგზავრები მოსაცდელში გამოდიოდნენ.
„ხალხის ნაკადი გამოვიდა ვაგონიდან, ჭერი რომ ჩამოინგრა, ყველა ყვიროდა, ელექტროენერგია გამორთეთო, ხალხი ერთმანეთზე გადადიოდა, ძალიან საშინელება იყო“, –აცხადებს თვითმხილველი.
მეტროსადგურ ვარკეთილში „შეკიდული ჭერი“ ჩამოიშალა. ბოლო მონაცემებით, სულ დაშავებულია 11 ადამიანი.
კომენტარები