მეეზოვე იუზა პაპუნაშვილი 31 იანვარს წითელ ბაღში მოზარდების ჩხუბს შეესწრო და დეტალებს იხსენებს.
მისი თქმით, პარკში, დაახლოებით 19:30 წუთზე ათამდე ბიჭი ერთმანეთს აგრესიულად მიმართავდა და გოგოს სახელს ახსენებდა, რასაც სავარაუდოდ დაპირისპირება მოჰყვა.
„ათი ბიჭი იქნებოდა დაახლოებით რვის ნახევარზე, ძალიან ხმამაღლა საუბრობდნენ, აგრესიულად იყვნენ ერთმანეთის მიმართ განწყობილი, აგინებდნენ და ახსენებდნენ ვიღაც გოგოს სახელს, სამი ბიჭი გამოირჩეოდა აგრესიით რაც მე შევატყვე,მე წამოვედი და ჩემი საქმე გავაკეთე, პარკს ვასუფთავებდი და 20 წუთში უკან დავბრუნდი. დაბრუნებულს იქ აღარავინ დამხვდა. რამდენიმე წუთშუ პოლიციელებიც მოვიდნენ და ბევრი სისხლი იყო დაქცეული. მერე გავიგე, რომ 2 ბიჭი დაუჭრიათ. წამიყვანეს გუშინ პოლიციაში, მთელი ღამე იქ ვიყავი, დაგვკითხეს. დავინახე, ერთმანეთს აგრესიულად ეპყრობოდნენ. ერთ ბიჭს აგინებდა სამი ბიჭი, ძალიან ხმამაღლა“, – ამბობს მეეზოვე.
35-ე საჯარო სკოლის ორი მოსწავლე გუშინ საღამოს წითელ ბაღის ტერიტორიაზე დაჭრეს.