საქართველოს საგარეო საქმეთა სამინისტროს ინფორმაციით, ტაივანში ძლიერი მიწისძვრის შედეგად საქართველოს მოქალაქეების დაშავების შესახებ ინფორმაცია არ შესულა. საგარეო საქმეთა სამინისტროში განმარტავენ, რომ ჩინეთის საკონსულოში შესაბამისი ზარი ან შეტყობინება არ მიუღიათ.
ტაივანში ძლიერი მიწისძვრის შედეგად სულ მცირე, 4 ადამიანი დაიღუპა და 100-ზე მეტი დაშავდა.
ტაივანის აღმოსავლეთ სანაპიროზე, ქალაქ ჰუალიენში 6,5 მაგნიტუდის სიმძლავრის მიწისძვრამ სასტუმროს შენობის ნგრევა გამოიწვია.
6.5 მაგნიტუდის სიმძლავრის მიწისძვრა, 6 თებერვალს, ადგილობრივი დროით 23:50 საათზე ტაივანის ჩრდილო-აღმოსავლეთში დაფიქსირდა. მიწისძვრის კერა 11 კილომეტრის სიღრმეზე მდებარეობდა.
კომენტარები
