დევნილთა და განსახლების მინისტრმა სოზარ სუბარმა და მინისტრის მოადგილემ მამუკა ცოტნიაშვილმა 2016 წლის 19 მაისს ხურჩაში, საოკუპაციო ხაზის გამშვებ პუნქტთან მოკლულ გიგა ოთხოზორიას ხსოვნას პატივი მიაგეს და ოჯახის წევრებს კიდევ ერთხელ მიუსამძიმრეს.
სოზარ სუბარმა აღნიშნა, რომ გიგა ოთხოზორიას მკვლელი პასუხს აგებს ჩადენილი დანაშაულისათვის.
“ამ ადამიანმა თავისი სიკვდილით თითქოს გააერთიანა მთელი ერი, მას ალბათ არც შეეძლო სხვანაირად მოქცევა თავისი ღირსების გამო. მან თავი გაწირა და ჩვენი ყველას ვალია, რომ მის ოჯახს დავუდგეთ გვერდით და მისი შვილები გაიზარდონ ისეთები, როგორც გაუხარდებოდა მამას“,-აღნიშნა სოზარ სუბარმა.
შეგახსენებთ, რომ ე.წ. მესაზღვრემ რაშიდ კანჯი ოღლიმ, გიგა ოთხოზორია ზუგდიდის რაიონის სოფელ ხურჩაში 19 მაისს მოკლა.
გიგა ოთხოზორიას გარდაცვალებიდან 40 დღე შესრულდა.