მარნეულის პირველ კლინიკურ საავადმყოფოში მოთავსებული 20 წლის ქანან ალიევი გარდაიცვალა. რა გახდა ბიჭის სიკვდილის მიზეზი, ახლობლებისთვის უცნობია. ოჯახის წევრების მტკიცებით, ახალგაზრდის მდგომარეობას, ექიმები ჯანმრთელობისთვის საშიშად არ მიიჩნევდნენ, თუმცა კლინიკაში მისულებს ის დაღუპული დახვდათ.
ალიევები კლინიკის ხელმძღვანელობისგან და მედიკოსებისგან მომხდარის მიზეზების განმარტებას ითხოვენ.
“კურიერის” გადამღები ჯგუფის დანახვისთანავე, კლინიკის ადმინისტრაციამ კარი საერთოდ ჩაკეტა და შენობაში გარკვეული პერიოდი არავის უშვებდნენ, მათ შორის არც შინაგან საქმეთა სამინისტროს წარმომადგენლებს.
საქმე 116 -ე მუხლით არის აღძრული, რაც გაუფრთხილებლობით სიცოცხლის მოსპობას გულისხმობს. ცხედარი ამჟამად ექსპერტიზაზეა გადასვენებული.
წყარო: “რუსთავი 2”
კომენტარები