ავტოსაგზაო შემთხვევა მოხდა ფოთის გასასვლელთან. ერთმანეთს ნისანის მარკის ავტომანქანა და მიკროავტობუსი შეეჯახა.
სხვადასხვა სიმძიმის დაზიანებები მიიღო 7 ადამიანმა, მათგან 2-ის მდგომარეობა შედარებით მძიმეა და ისინი ფოთის ცენტრალურ კლინიკური საავადმყოფოს რეანიმაციულ განყოფილებაში მოათავსეს.
მსუბუქ ავტომანქანაში ჩეხეთის მოქალაქეები იმყოფებოდნენ. ოთხივე მათგანი სამედიცინო დაწესებულებაში მკურნალობს.
უცნობია ავტოსაგზაო შემთხვევის გამომწვევი მიზეზი. მომხდარზე მიმდინარეობს გამოძიება.
კომენტარები