ხელვაჩაურში, ნავით სეირნობისას გარდაცვლილი საქართველოს მოქალაქე, რომელიც სამ რუს ტურისტთან ერთად დაიღუპა, 43 წლის მამუკა დიდმანიძეა.
ის ბათუმში, რეგისტრირებულ ტურისტულ კომპანიაში მუშაობდა. მისი პროფესიული საქმიანობა ჯომარდობას უკავშირდებოდა და ტურისტებს აჭარის რეგიონში ნავით მეგზურობას უწევდა.
თუმცა, 8 ივნისს, მამუკა დიდმანიძე, სამ ტურისტთან ერთად, ხელვაჩაურში ტრაგიკულად დაიღუპა.
თვითმხილველების ინფორმაციით, გასაბერი ნავი მდინარეში რაღაც საგანს წამოედო, შედეგად, ნავი დაზიანდა და ამობრუნდა.
შემთხვევა ხელვაჩაურის რაიონის სოფელ კირნათში, მდინარე ჭოროხში, ნავის ამობრუნების შედეგად მოხდა.
შს სამინისტროს ინფორმაციით, მომხდარ ფაქტთან დაკავშირებით, გამოძიება სისხლის სამართლის კოდექსის 116-ე მუხლით მიმდინარეობს, რაც გაუფრთხილებლობით სიცოცხლის მოსპობას გულისხმობს.