ერაყის ხელისუფლების წარმომადგენელთა განცხადებით, ბაღდადში მომხდარ ტერაქტებთან დაკავშირებული 5 პირი სიკვდილით დასაჯეს. განაჩენები სისრულეში მოიყვანეს კვირას მომხდარი ტერაქტებიდან ცოტა ხნის შემდეგ. კონკრეტულად რა დანაშაულისთვის დააკავეს ეს პირები, უცნობია. ასევე ერაყის სპეცსამსახურების ცნობით, დაკავებულია 40 „ბოევიკი“ , რომლებიც ეკლესიებსა და მეჩეთებში ტერაქტებს გეგმავდნენ. ერაყის რამდენიმე პროვინციაში ტერორისტების საიდუმლო რგოლებია განადგურებული. ეს პირები ერაყის დედაქალაქში ტერაქტის გარდა მთელ რიგ შეტევებს გეგმავდნენ სახელწოდებით: „შეტევა რამადანზე“. ბოლო მონაცემებით, ბაღდადში 3 ივლისს მომხდარ ტერაქტებს 213 ადამიანი ემსხვერპლა.
კომენტარები