“აფხაზური მედიის ცნობით, მომიტინგეები აცხადებენ, რომ მათი მოთხოვნის დაკმაყოფილების გარეშე არ დაიშლებიან. დე ფაქტო პრეზიდენტი რაულ ხაჯიმბა კი აცხადებს, რომ რეფერენდუმს არ გადადებს, ხოლო “მინისტრის” გაშვებაზე ჯერჯერობით საერთოდ არაფერს ამბობს. მარტის დასაწყისში საინიციატივო ჯგუფმა, რომელიც 46 წევრისგან შედგება, მოითხოვა ვადამდელი საპრეზიდნეტო არჩევნბეის გამართვაზე რეფერნდუმის ჩატარება და ცესკო-ში განაცხადები შეიტანა. მიზეზად ქვეყანაში არსებული მძიმე სოციალურ-პოლიტიკური მდგომარეობა დასახელდა. 1-ელ ივნისს დე ფაქტო პრეზიდნეტმა რაულ ხაჯიმბამ 10 ივლისისთვის რეფერენდუმი დანიშნა, სადაც უნდა დაისვას შეკითხვა – “ჩატარდეს თუ არა ვადამდელი საპრეზიდნეტო არჩევნები.” ახლა ოპოზიცია აპროტესტებს იმას, რომ ხაჯიმბამ რეფერენდუმი შუა ზაფხულში ამომრჩეველთა დაბალი აქტიურობის იმედით დანიშნა. გარდა ამისა, პრობლემაა ის, რომ არჩევნებში მონაწილეობას ყველა აფხაზი ვერ მიიღებს, რადგან ბევრი მათგანის პასპორტს ვადა აქვს გასული და ჯერ ახალი პასპორტების დარიგება წესიერად არც დაწყებულა”, – წერს გაზეთი “რეზონანსი” სტატიაში სათაურით დიდი მიტინგი და დაპირისპირება სოხუმში / ოპოზიციამ დე ფაქტო შს სამინისტროს შტურმი სცადა.
“რეფერენდუმი დე ფაქტო კანონმდებლობით ჩატარებულად მხოლოდ მაშინ ითვლება, თუ მასში მონაწილეობას ამომრჩეველთა 50% მაინც იღებს. ამას ემატება ისიც, რომ ოპოზიცია ხელისუფლებას მოსახლეობის დაშინებაშიც ადანაშაულებს. მათ გაავრცელეს დე ფაქტო შს მინისტრ, ლეონიდ ზაპშბასა და მის ხელქვეითებს შორის არსებული საუბრის ფარული აუდიოჩანაწერი, სადაც “მინისტრი” თანამშრომლებს მუქრით რეფენერდუმში მონაწილეობას უკრაძალავს. ამდენად, არასაკმარისი პასპორტებისა და მუქარის შედეგად დიდი ალბათობააა, რომ რეფერენდუმზე ძალიან დაბალი აქტივობა იყოს და ის ჩატარებულად არც ჩაითვალოს. ამ პროტესტის ორგანიზატორი 2014 წელს ძალით გადაყენებული “პრეზიდენტ” ალექსანდრე ანქვაბის მომხრე პარტია “ამცახარაა”, რომელშიც 1992-93 წლების ომის ძალიან ბევრი ვეტერანია გაერთიანებული. “ხელისუფლების წარუმატებელი პოლიტიკისა და იმის გამო, რომ თავიდან ავიცილოთ 2014 წლის მოვლენების განმეორება, როდესაც ქვეყანა სამოქალაქო ომის დაწყების ზღვარზე იყო, მოხდა რეფერენდუმის ინიცირება. პარტია “ამცახარამ” რეფერნდუმის იდეას მხარი დაუჭირა. ხელისუფლებამ კი გამოიყენა ყველა შესაძლო ბერკეტი, მათ შორის დაშინება და მუქარაც. ამდენად, 10 ივლისს დაგეგმილი რეფერენდუმი ქვეყნის ხელმძღვანელობის მიერ ფაქტობრივად ჩაშლილია, რადგან არსებული გარემოებების გათვალისწინებით, მიმაჩნია, რომ თავისუფლი ნების გამოხატვა შეუძლებელია. ამდენად, მივმართავთ ქვეყნის პრეზიდნეტს, როგორც კონსტიტუციის გარანტს, ჩვენი კანონიერი მოთხოვნა დააკმაყოფილოს,” – ჯერ საგანგებოდ შეკრებილ ყრილობაზე და შემდეგ მიტინგზე განაცხადა პარტია “ამცახარას” თავმჯდომარე ალხაზ კვიცინიამ. კვიცინია ხაჯიმბას მოუწოდებს, უზრუნველყოს მოქალაქეების თავისუფალი ნების გამოხატვა. მისმა პარტიამ მიტინგამდე მოთხოვნების ჩამონათვალიც გაავრცელა და ის ხაჯიმბასაც გადაუგზავნეს, სადაც წერია, რომ რეფერენდუმი შემოდგომაზე გაიმართოს; დე ფაქტო შს მინისტრი გათავისუფლდეს ქვეყანაში კრიმინოგენური სიტუაციის გაუარესებისა და რეფერენდუმში მონაწილეობის მსურველი მოქალაქეების უფლებების დარღვევის გამო; რეფერენდუმში მონაწილეობის უფლება მიეცეთ აფხაზეთის იმ მოქალაქეებსაც, რომელთა პასპორტებსაც ვადა გაუვიდათ და ასევე გაიხსნას უბნები რუსეთის ტერიტორიაზეც”, – აღნიშნავს გამოცემა.
“ამ განცხადების შემდეგ ოპოზიცია მხარდამჭერებით შს სამინისტროსთან შეიკრიბნენ და რამდენჯერმე შეეცადნენ სამინისტროში შეჭრას. “შს მინისტრი ლეონიდ ძაპშბა მზად არის, გადადგეს, მაგრამ გადაწყვეტილება პრეზიდენტმა უნდა მიიღოს,” – მომიტინგეებს განუცხადა მირაბ ქიშმარიამ. ქიშმირიას გამოსვლის შემდეგ ოპოზიციის წარმომადგენლებთან შეხვედრა გამართა თავად რაულ ხაჯიმბამაც. ის შემდეგ ადმინისტრაციის შენობის წინ მის მხარდასაჭერად შეკრებილ ხალხთან გამოვიდა და ოპონენტთა პროვოკაციაზე ისაუბრა. განაცხადა, რომ ოპოზიციის ყველა მოთხოვნას გაეცნო და მხოლოდ ერთ მოთხოვნაზე, ვადაგასული პასპორტებით ხმის მიცემაზე, აცხადებს თანხმობას. ” მე საკუთარ თავს ვერ მოვხსნი. მე მხოლოდ შემიძლია, გადავდგე, მაგრამ ამ სიტუაციაში დაუშვებელია, კანონი დავარღვიო. მაშინ მე რა პრეზიდენტი ვარ?! რეფერენდუმს არ გადავდებ. ის 10 ივლისს დაინიშნა და ჩატარდება,” – განაცხადა ხაჯიმბამ და დასძინა: “ვადაგასული პასპორტი მხოლოდ 4 ათასია. თუ ეს 4000 პასპორტი წყვეტს რეფერნედუმის შედეგს, მზად ვარ, ოპოზიციას ამაში დავეთანხმო” – წერს სტატიის ავტორი.
” აფხაზეთის ავტონომიური რესპუბლიკის იუსტიციის ყოფილი მინისტრი პაატა დავითაია ამბობს, რომ ახალი არაფერია და მიტინგები რომ იქნებოდა, ეს თავიდანვე აშკარა იყო. “ალექსანდრე ანქვაბი ცდილობს, ძალაუფლება დაიბრუნოს საკუთარი მხარდამჭერი პარტია “ამცახარას” მეშვეობით. რაც თავად გაუკეთა ანქვაბს, იმავეს განმეორების მცდელობაა. ოღონდ ახლა განსხვავება მოტივებშია. ანქვაბის წინააღმდეგ ბრძოლა აგებული იყო ეკონომიკასა და იმ უკმაყოფილებაზე, რომ ის კრიმინალს ებრძოდა. ხაჯიმბს წინააღმდეგ ბრძოლა კი აგებულია იმ უკმაყოფილებაზე, რომ მან რუსეთს მთელი სადავეები გადასცა და დღეს აფხაზები არაფერს არ წყვეტენ. ეს კი აფხაზების თავმოყავერობაზე ცუდად მოქმედებს. რელურად, ხაჯიმბა ეფ-ეს-ბეს პოლკოვნიკი და პუტინის მთავარი წარმომადგენელია, ამიტომ მას, ანქვაბისგან განსხვავებით, რუსეთი მხარს უჭერს და საჯარისო ფორმირებები მის მხარესაა”, – აცხადებს პაატა დავითაია, რომლის თქმით, რა გაგრძელება ექნება ამ მიტინგებს და მოუწევს თუ არა სახლში წასვლა ხაჯიმბას, ამას აფხაზეთის უხუცესთა საბჭო წყვეტს“, – დასძენს გამოცემა.