აშშ-ს პრეზიდენტი დონალდ ტრამპი და პირველი ლედი მელანია ტრამპი ინდოეთში ოფიციალური ვიზიტის ფარგლებში ქალაქ აგრაში თაჯ-მაჰალს ეწვიენ. ამის შესახებ ინფორმაციას BBC ავრცელებს.
ეს დონალდ ტრამპის პირველი ვიზიტია ინდოეთში. ამერიკის პრეზიდენტი მეუღლესთან ერთად ინდოეთში დღეს დილით ჩაფრინდა და ინდოეთის პრემიერ-მინისტრ ნარენდრა მოდის შეხვდა. დიპლომატიურ მოლაპარაკებებს ორი ქვეყნის ლიდერი ხვალ გააგრძელებს. მოლაპარაკებების მთავარი თემა სავაჭრო ურთიერთობები იქნება.
დონალდ ტრამპი ინდოეთის პრემიერ-მინისტრთან ერთად მრავალათასიან აქციაზე სიტყვით გამოვიდა. მან აღნიშნა, რომ „ინდოეთს ყოველთვის ექნება განსაკუთრებული ადგილი ამერიკელების გულებში“.
დონალდ ტრამპსა და მელანია ტრამპს აგრაში საზეიმო მიღება მოუწყვეს, რის შემდეგაც თეთრი სახლის ლიდერი და მისი მეუღლე თაჯ-მაჰალში გაემართნენ, რომელიც სიყვარულის მონუმენტად არის მიჩნეული.