რუსეთის სპეციალური წარმომადგენელი კირილ დმიტრიევი ნიუ-იორკში აშშ-ის პრეზიდენტის, დონალდ ტრამპის სპეციალურ წარმომადგენლებს, სტივ უიტკოფსა და ჯარედ კუშნერს შეხვდა.
ამის შესახებ ინფორმაციას „სიენენი“ ანონიმურ წყაროებზე დაყრდნობით ავრცელებს.
წყაროების ცნობით, შეხვედრაზე აშშ-რუსეთის თანამშრომლობისა და უკრაინის ომის მშვიდობიანი გზით დასრულების საკითხები განიხილეს.
წყაროების განცხადებით, დმიტრიევი ნიუ-იორკში სამშვიდობო ძალისხმევისა და აშშ-რუსეთის დიალოგის გასაგრძელებლად ჩავიდა.
მანამდე, გაერო-ს გენერალური ასამბლეის ფარგლებში შეხვედრა გამართეს აშშ-ის სახელმწიფო მდივანმა, მარკო რუბიომ და რუსეთის საგარეო საქმეთა მინისტრმა, სერგეი ლავროვმა.
კომენტარები