პარლამენტში დღეს განვითარებულ პროცესებს ექსპერტი თამთა მეგრელიშვილი სოციალურ ქსელში ეხმაურება:
„ნაციონალებს კი უნდათ, მოსახლეობას დააჯერონ რომ შავი თეთრია… მაგრამ საბედნიეროდ არსებობს ფაქტები, არსებობს ისტორია და არსებობენ ადამიანები, რომლებიც ამ ყველაფერს უკვე დიდიხანია აღარ „ჭამენ“.
დღეს პარლამენტში პრემიერ მინისტრ გახარიას კორუფციაში და ხალხის ფეხებზე დაკიდებაში ადანაშაულებენ ვანო მერაბიშვილის და ლუხუმ კაპანაძის პარტნიორები…
დღეს მთავრობამ ყველას, ვინც სამსახური დაკარგა 1200 ლარიან დახმარებას აძლევს, ასევე ეხმარება თვითდასაქმებულებს, დევნილებს, სოციალურად დაუცველებს, შშმ პირებს, მრავალშვილიანებს… საკმარისია? რა თქმა უნდა არა, მაგრამ მნიშვნელობა ხომ აქვს ვინ გიწუნებს დახმარების ოდენობას და ეფექტურობას?
როგორ დაეხმარა თავად ნაციონალური მთავრობა 2008 წლის კრიზისის დროს ჩვენს მოქალაქეებს, საკუთარი სახლებიდან გამოძევებულ ადამიანებს…
დევნილებისთვის განკუთვნილი მრავალმილიონიანი საერთაშორისო დახმარება ერთ კონკრეტულ კომპანიას გადაურიცხეს… და აბა გამოიცანით ვინ იყო ამ კომპანიის მფლობელი? ვანო მერაბიშვილის მარჯვენა ხელი ლუხუმ კაპანაძე.
თუ ვინმეს არ ახსოვს, შევახსენებ, რომ ვანო მერაბიშვილის ძმაკაცის, ლუხუმ კაპანაძის „ნიუ ენერჯი“ წინა ხელისუფლების დროს მსხვილ სახელმწიფო შეკვეთებზე მუშაობდა. ყველაზე მსხვილი დაკვეთა 2008 წლის აგვისტოს ომის შემდეგ მიიღო. იმ დროს დევნილთა სახლების მშენებლობას სწორედ მერაბიშვილი ხელმძღვანელობდა.
სახლების მშენებლობისთვის გამოყოფილი 135 მილიონი ლარიდან 95 მილიონი „ნიუ ენერჯის“ გადაერიცხა. სხვა კომპანიებს ერთი სახლის აშენებაში – 26 000 ლარი, „ნიუ ენერჯის“ კი ყველაზე მეტი – 28 200 ლარი გადაეცა.
ნეტავ ვის ჯიბეში წავიდა ეს ფული? ვის ჯიბეში დაილექა ჩვენი პარტნიორების მიერ ყველაზე კრიზისულ დროს გაწეული დახმარება?
ეს ის ლუხუმ კაპანაძეა, 2005 წლიდან 2011 წლის ჩათვლით, ქვეყნის თითქმის ყველა რეგიონში ასობით ჰექტარი სახელმწიფო მიწა 1 ლარად ანუ სიმბოლურ ფასად რომ აჩუქეს, მათ შორის აჭარის ზღვისპირა ზოლში, რომელიც ლუხუმ კაპანაძემ საკუთრებაში მიღებიდან მალევე გაყიდა, საიდანაც მინიმუმ 26 მილიონი დოლარი მოიგო.
დღეს კოლექტიური ლუხუმ კაპანაძეები და კოლექტიური ვანო მერაბიშვილები გიორგი გახარიას მორალს უკითხავენ კორუფციაზე.
ძვირფასო ნაცებო, კი გინდათ რომ დაბნელდეს, მაგრამ მართლა ხომ არ ბნელა არა?!“ – წერს ექსპერტი.