თბილისის ინფექციური საავადმყოფოს მიმღები განყოფილების უფროსის, მაია ზალდასტანიშვილის განცხადებით, მანამ სანამ ქვეყანაში კორონავირუსის საწინააღმდეგო ვაქცინა შემოვა, აუცილებელია თითოეულმა მოქალაქემ საკუთარი თავი მკაცრად გააკონტროლოს.
მისივე თქმით, კორონავირუსის პრევენციის მიზნით არსებული წესების დაცვა კვლავ აქტუალურია.
“აუცილებელია, ყველა ჩვენგანმა გავითავისოთ, რომ ჩვენი საშველი, ვიდრე შემოვა ვაქცინა, არის ერთადერთი ის, რომ ჩვენ თვითონ მკაცრად გავაკონტროლოთ ჩვენი თავი, ვიყოთ ერთმანეთის მიმართ დისტანციაზე, დავრჩეთ სახლში თუ გვაქვს სიცხე, ნუ გავალთ გარეთ სიცხიანები და მუდმივად ვატაროთ ნიღაბი – ეს არის ჩემი რეკომენდაცია”, – აცხადებს მაია ზალდასტანიშვილი.
კომენტარები