პარლამენტის ვიცე-სპიკერის, საპარლამენტო უმრავლესობის წევრის, არჩილ თალაკვაძის განცხადებით, თუ ოპოზიცია არჩევნების ბოიკოტის გადაწყვეტილებას მიიღებს, მათი ადგილი არ არის მათი კუთვნილება და ამ ადგილს სხვა ოპოზიციური პარტიები დაიკავებენ.
მისი თქმით, ამ შემთხვევაში ოპოზიციური ელექტორატის ნაწილი მხარს დაუჭერს მმართველ პარტიას, ხოლო ნაწილი გადანაწილდება იმ პოლიტიკურ პარტიებზე, რომლებიც მომავალს ხედავენ არა ომში, არამედ – თანამშრომლობაში.
„თუ ოპოზიცია მიიღებს ბოიკოტის გადაწყვეტილებას, მათი ადგილი არ არის მათი კუთვნილება და ამ ადგილს სხვა ოპოზიციური პარტიები დაიკავებენ. ყველა დაინახავს, რომ ოპოზიციური ელექტორატის ნაწილი მხარს დაუჭერს მმართველ პარტიას, ხოლო ნაწილი გადანაწილდება იმ პოლიტიკურ პარტიებზე, რომლებიც მომავალს ხედავენ არა ომში, არამედ – თანამშრომლობაში“, – განაცხადა არჩილ თალაკვაძემ.