„მოქალაქეების“ ლიდერი, ლევან იოსელიანი ამბობს, რომ არ სჯერა მიხეილ სააკაშვილის განცხადების, რომლითაც მან „ეროვნული შერიგების“ სურვილი გამოთქვა,
„შერიგება შეცდომების აღიარებითა და იმ ადამიანებისთვის ბოდიშის მოხდით იწყება, ვის მიმართაც შეცდომებია დაშვებული. ყველა მხარე, ვისაც შერიგება უნდა, ამით იწყებს და ამას მოჰყვება შერიგება. მე ამას ვერ ვხედავ და რადგან ასეთ რამეს არ აქვს ადგილი, არ მგონია, ეს მოხდეს, არ მჯერა ასეთი რაღაცების“, – ამბობს ლევან იოსელიანი.
6 დეკმებერს, მიხეილ სააკაშვილის ოფიციალურ Facebook-გვერდზე გამოქვეყნდა მისი განცხადება, რომლითაც მმართველ გუნდს მიმართავს: „უახლოეს დღეებში ბრძოლა გამძაფრდება და არ გაჩერდება თქვენს დამარცხებამდე. ან, თუ გონს მოეგებით და წამოხვალთ ეროვნულ შერიგებაზე, სანამ გვიან არაა, ეს ყველასთვის საუკეთესო გამოსავალია“.