“პუტინის მასაჟისტი” რუსეთიდან გაქცევის შემდეგ საკუთარ ქონებას ყიდის – ინფორმაციას უცხოური მედია ავრცელებს.
კონსტანტინ გოლოშაპოვი, რომელსაც “პუტინის მასაჟისტს” უწოდებდნენ და რომელმაც “ვადაკანალის” საქმეზე ჩხრეკების წინ რუსეთი დატოვა, საკუთარ ქონებას ყიდის.
გასაყიდად გამოტანილია მისი ძვირადღირებული ბინა კრესტოვსკის კუნძულზე, საავტორო ხატით მისაღებ ოთახში.
სახლი, რომელშიც გოლოშაპოვი ცხოვრობდა, არ იყო ჩვეულებრივი. მეზობლებიც, ყოფილი თანამდებობის პირებთან ნათესაურ კავშირში მყოფი ადამიანები არიან. მათ შორის არის ექსპრემიერ-მინისტრის ვიქტორ ზუბკოვის ქალიშვილი, ყოფილი თავდაცვის მინისტრის სერდიუკოვის ყოფილი მეუღლე, როტენბერგები და ფურსენკოები.
გასაყიდად გამოტანილი ბინა გოლოშაპოვის მეუღლეზე – ირაია გილმუტდინოვაზეა გაფორმებული. კორპუსში არსებული ბინების ღირებულება 250 მილიონი რუბლიდან იწყება. შიდა ეზოში ჩანს გოლოშაპოვის ვაჟის BMW-ს მარკის ავტომობილი.
