„ნაციონალური მოძრაობის“ დეპუტატი, ხატია დეკანოიძე ჟურნალისტ ნანუკა ჟორჟოლიანის განცხადებებს ეხმაურება და აცხადებს, რომ პარტიის მიმართ ბრალდებების ფონზე, ყველამ საკუთარი ფინანსური წყარო უნდა გაასაჯაროოს.
დეკანოიძემ ტელეწამყვანის განცხადებებს ჭორაობას უწოდა და თქვა, რომ დაუშვებელია, ჟურნალისტური ელემენტარული სტანდარტი გულისხმობდეს იმას, რომ ჟორჟოლიანმა პარტიის დაშლის შესახებ ისაუბროს.
„ ნიშანდობლივი იქნება, რომ ჩვენს ამომრჩევლებს და ოპოზიციის გულმხურვალე მხარდამჭერებს ვაჩვენოთ ჩვენი გამჭვირვალე ფინანსური მდგომარეობა, როდესაც სხვის ფინანსებზე პრეტენზიები გაქვს, შენი ფინანსების გამჭვირვალობა უნდა იცოდეს ყველამ.
რაც შეეხება ნანუკას განცხადებებს, არ მსურს ამ ჭორაობაზე განცხადების გაკეთება. როგორი დამოკიდებულებაც არ უნდა ჰქონდეს მას პარტიის „ლიდერშიფის“ მიმართ, როგორც არ უნდა არ მოგწონდეს კონკრეტული ნაბიჯები პარტიის „ლიდერშიფის“ მიერ გადადგმული, დაუშვებელია, რომ ჟურნალისტური ელემენტარული სტანდარტი გულისხმობდეს იმას, რომ ვინმემ თქვას, რომ პარტია უნდა დაინგრეს.“ – აცხადებს ხატია დეკანოიძემ.