„ნაციონალური მოძრაობის“ წევრი გიორგი ბოტკოველი ლევან ხაბეიშვილს თავმჯდომარის არჩევნებში გამარჯვებას ულოცავს. ბოტკოველი მიიჩნევს, რომ ლევან ხაბეიშვილთან ერთად წარმოდგენილი გუნდი მნიშვნელოვნად უპასუხებს გამოწვევებს.
„ვულოცავ ლევანს გამარჯვებას. ვფიქრობ, ეს იყო საჭირო გამარჯვება „ნაციონალური მოძრაობის“ გაძლიერებისთვის, თუმცა საზეიმო ან განსაკუთრებულ გამარჯვებაზე ვერ ვისაუბრებთ, ვიდრე ბიძინა ივანიშვილი არის ამ ქვეყნის ხელისუფლებაში, რუსული ოლიგარქის მმართველობაა ქვეყანაში და მიხეილ სააკაშვილი არის პატიმრობაში. ლევანმა რამდენიმე დღის წინ წარმოადგინა თავისი კონკრეტული ხედვა ყველა თემასთან დაკავშირებით, რაც სჭირდება როგორც მიხეილ სააკაშვილის თავისუფლებას, ასევე პარტიის გაძლიერებას – პარტია გახდეს ბრძოლისუნარიანი და მოტივირებული. ვფიქრობ, ამ გამოწვევებს მნიშვნელოვნად უპასუხებს ის გუნდი, რომელიც წარმოდგენილი იქნება ლევან ხაბეიშვილთან ერთად“, – განაცხადა გირგი ბოტკოველმა.