26 მაისის აქციის დარბევის საქმეზე პროკურატურა მოწმეებს კითხავს. ხმაურიანი ჩვენება აქციის დროს დაშავებულმა ლაშა მაზნიაშვილმა მისცა.
მოწმემ დეტალურად გაიხსენა, როგორ და რა ფორმით გაუსწორდნენ, სპეცდანიშნულების რაზმის წევრები მომიტინგეებს. მაზნიაშვილი ჰყვება, რომ მას ხელ-ფეხი შეუკრეს და სასტიკად სცემეს.
საქმეზე ძალის გამოყენებით უფლებამოსილების გადამეტებისთვის ბრალი შინაგან საქმეთა სამინისტროს ხუთ ყოფილ მაღალჩინოსანს აქვს წარდგენილი, რაც გამოიხატა 2011 წლის 26 მაისს მიტინგის დარბევისას. მათი დავალებით და ბრძანებით, მომიტინგეები სამართალდამცავებმა ალყაში მოაქციეს. მომიტინგეების მიმართ განხორციელდა სხვადასხვა სახის იძულების ღონისძიებები. მოქალაქეებს ესროდნენ რეზინის ტყვიებს გამოიყენეს ასევე ხელკეტები და წყლის ჭავლი. შედეგად 250 ადამიანს ჯანმრთელობა დაუზიანდა, ხოლო 800-მდე პირი დააკავეს.