აშშ-ის სახაზინო დეპარტამენტში აცხადებენ, რომ უკრაინაში ამერიკული სახსრების არამიზნობრივად გამოყენების შემთხვევები არ გამოვლინდა. ინფორმაციას „როიტერი“ ავრცელებს.
ეს არის პირველი განცხადება, რომელიც ვაშინგტონში მას შემდეგ გააკეთეს, რაც გასულ კვირას, უკრაინში ათზე მეტი მაღალჩინოსანი კორუფციის ბრალდების გამო, თანამდებობიდან გაათავისუფლეს.
„ჩვენ არ გამოგვივლენია ნიშნები, რომ აშშ-ის მიერ გამოყოფილი სახსრები უკრაინაში არამიზნობრივად იყო გამოყენებული. მივესალმებით უკრაინის ხელისუფლების ძალისხმევას, რომელიც მიმართულია ჩვენთან სამუშაოდ, რათა უზრუნველყოფილი იყოს შესაბამისი დაცვა, რომ აშშ-ის დახმარებამ მიაღწიოს მათთან, ვისთვისაც ის არის გამიზნული“, – განაცხდეს აშშ-ის სახაზინო დეპარტამენტში.
ამასთან, უწყებაში განაცხადეს, რომ აშშ გააგრძელებს მუშაობს მსოფლიო ბანკთან გამოყოფილი სახსრების მონიტორინგის მიზნით და უკრაინასა და სხვა პარტნიორებთან კორუფციის დასაძლევად.