“სააკაშვილს საქართველოში მიმდინარე პროცესები ამ ეტაპზე ნაკლებად აინტერესებს. დარწმუნებული ვარ, ახლა ყველაზე მეტად პოროშენკოსთვის სამაგიეროს გადახდა სურს”, – ამის შესახებ ექსპერტმა კავკასიის საკითხებში, მამუკა არეშიძემ “კვირის პალიტრასთან” მიცემულ ინტერვიუში განაცხადა.
“მიხეილ სააკაშვილი არ გაჩერდება. მინდა გაგახსენოთ, რომ აშშ-ის ადმინისტრაციამ 2008 წლის 8 აგვისტოს ვერაფრით მოახერხა მისი გაჩერება, მიუხედავად იმისა, რომ დიდი ძალისხმევა გაიღეს… სააკაშვილი არის ადამიანი, რომელსაც უზღვავი ენერგია აქვს და მიილტვის ძალაუფლებისა და ავანტიურისაკენ. ტანზანიის მოქალაქეობას მიიღებს…
ჰოლანდიის მოქალაქე გახდება… ანდაც, აგერ, ჩაბრძანდა პოლონეთში და, შესაძლოა, ამ ქვეყნის მოქალაქეობაც მისცენ და კვლავაც გააგრძელებს აქტიურობას. ამ ეტაპზე მისი გეგმები უკავშირდება უკრაინას, სადაც სექტემბერში არჩევნებია და მისი ყურადღებაც ამ ქვეყნისკენ არის მიპყრობილი. საქართველოში მიმდინარე პროცესები მას ამ ეტაპზე ნაკლებად აინტერესებს. დარწმუნებული ვარ, ახლა ყველაზე მეტად პოროშენკოსთვის სამაგიეროს გადახდა სურს”, – აღნიშნავს არეშიძემ.
წყარო: “კვირის პალიტრა”