C ჰეპატიტი „ქართული ოცნების“ ხელისუფლების ერთ-ერთი ყველაზე წარმატებული პროექტია, რომელიც სამოქალაქო საზოგადოებასთან ერთად გაკეთდა, – ამის შესახებ საპარლამენტო უმრავლესობის ლიდერმა, არჩილ თალაკვაძემ C ჰეპატიტის საწინააღმდეგო ახალი კამპანიის – STOP C დაწყებასთან დაკავშირებულ ღონისძიებაზე განაცხადა.
საპარლამენტო უმრავლესობის ლიდერმა პარტია „ქართული ოცნების“ თავმჯდომარე ბიძინა ივანიშვილს მადლობა გადაუხადა და აღნიშნა, რომ პრემიერ-მინისტრობის დროს, სწორედ მან მიიღო ამ პროგრამის დაწყებაზე ისტორიული გადაწყვეტილება.
„C ჰეპატიტის პროგრამამ ძალიან ბევრი ადამიანის სიცოცხლე და ჯანმრთელობა გადაარჩინა ჩვენს ქვეყანაში, მათ შორის, აფხაზეთში. ამ პროგრამაზე თავის დროზე, ისტორიული გადაწყვეტილება მიიღო მაშინდელმა პრემიერ-მინისტრმა, ბიძინა ივანიშვილმა. მან მთავრობის სხდომაზე პირდაპირ თქვა, რომ ეს პროგრამა უნდა დაიწყოს არა მხოლოდ სასჯელაღსრულების სისტემაში, არამედ უმოკლეს ვადებში სამოქალაქო სექტორშიც. დღეს, უკვე ამ გადაწყვეტილებიდან რამდენიმე წლის შემდეგ, საქართველო არის გლობალური ლიდერი C ჰეპატიტის წინააღმდეგ. მინდა, ბიძინა ივანიშვილის ამისთვის კიდევ ერთხელ მადლობა გადავუხადო“, – განაცხადა არჩილ თალაკვაძემ.