სვანეთში, ლეხზირის ტერიტორიაზე, მყინვარიდან მასა ჩამოიშალა.
გარემოს დაცვისა და სოფლის მეურნეობის სამინისტროს გარემოს ეროვნული სააგენტო მყინვარზე არსებულ ვითარებასთან დაკავშირებით, ინფორმაციას ავრცელებს. მათივე ცნობით, მყინვარ ლეხზირზე არსებული სიტუაციის შესწავლის მიზნით, სააგენტოს სპეციალისტები ადგილზე იმყოფებიან.
“სავარაუდოდ, საქმე გვაქვს გლაციოლოგიური პროცესების განვითარებასთან, რომელიც ბუნებაში ხშირად ხდება. ამ ეტაპზე, დროებით ჩაკეტილია ხეობაში შესასვლელი გზა, ვიდრე სპეციალისტებისგან ინფორმაცია არ გვექნება“,- აცხადებენ სააგენტოში.
კომენტარები