ბათუმში, გმირთა მოედანზე ავტოსაგზაო შემთხვევა მოხდა, რა დროსაც ერთი ადამიანი დაიღუპა. მსუქბუქი ავტომობილი მეორე ავტომობილს შეეჯახა, რომლის მძღოლიც ადგილზე გარდაიცვალა. ინფორმაციას “აჭარის ტელევიზია” ავრცელებს.
როგორც თვითმხილველები ამბობენ, შეჯახება ძლიერი იყო, შედეგად დაიღუპა ერთი ადამიანი, მეორე კი მძიმე მდგომარეობაში სასწრაფო დახმარების ბრიგადამ გადაიყვანა საავადმყოფოში.
შსს-ის ინფორმაციით, დაღუპული კაცი 60 წლის არის.
“ერთი ადგილზე გარდგაცვლილი დაგვხვდა, ხოლო მგზავრი, რომელიც მანქანაში იმყოფებოდა, სასწრაფო დახმარების ბრიგადამ გადაიყვანა საავადმყოფოში, მისი ჯანმრთელობის მდგომარეობა მძიმე იყო,” – თქვეს სასწრაფო დახმარების სამსახურში.
კომენტარები