ჯვრის მონასტერი დაკეტილია. მიზეზი სასულიერო პირების და მონასტრის წინამძღვრის პროტესტია. სასულიერო პირები მოითხოვენ, მიმდებარე ტერიტორია გარემოვაჭრეებმა დატოვონ.
ტაძრის წინამძღვარი კონსტანტინე ჯინჭარაული, ტაძრის ტერიტორიაზე არ გამოჩენილა, ადგილზე ადგილობრივი ბერები იმყოფებიან, რომლებიც ადგილზე მისულ მომლოცველებს და ტურისტებს ეუბნებია, რომ ტაძარში დღის განმავლობაში შესვლას ვერ შეძლებენ.
მოვაჭრეების განცხადებით, სასულიერო პირებს ტერიტორიის ბიზნესისთვის გამოყენება თავად სურთ. მათ მცხეთის მერს წერილითაც მიმართეს და მოვაჭრეების გაყვანა ოფიციალურად მოითხოვეს.
ტაძრის დაკეტვის განსხვავებულ მიზეზზე საუბრობენ თავად სასულიერო პირები. ისინი განმარტავენ, რომ ტაძრის კარი მრევლს ქალაქის მერმა ჩაუკეტა და ისინი მხოლოდ ადგილობრივი ხელისუფლების გადაწყვეტილებას აღასრულებენ.
მათ განცხადებას არ ადასტურებენ მერიაში. მერი ამბობს, რომ მუნიციპალიტეტს ტაძრის არც დაკეტვის და არც გაღების უფლება არ აქვს. რაც შეეხება ტერიტორიიდან მოვაჭრეების გაყვანის მოთხოვნას, მცხეთის მერი ამბობს, რომ ამ მოთხოვნით სასულიერო პირებმა მართლაც მიმართეს.