ვაკის რაიონის გამგებლის მოადგილეს, თეიმურაზ ჩოჩუას სახელმწიფო უსაფრთხოების სამსახურში ბრალი ოფიციალურად წარედგინა. მას ბრალად განსაკუთრებით დიდი ოდენობით ქრთამის აღებაში დახმარება ედება. გამოძიება საქართველოს სსკ-ის 25-338-ე მუხლის მე-3 ნაწილის “ე” ქვეპუნქტით მიმდინარეობს, რაც სასჯელის სახით 11-დან 15 წლამდე ვადით თავისუფლების აღკვეთას ითვალისწინებს.
როგორც ჩოჩუას ადვოკატმა დავით სანაძემ თქვა, მისი დაცვის ქვეშ მყოფი დუმილის უფლებას იყენებს.
თეიმურაზ ჩოჩუა სუსმა 26 იანვარს დააკავა.
კომენტარები