შს სამინისტრომ ქეთევან წამებულის ქუჩაზე მომხდარი ტრაგედიის ფაქტზე გამოძიება დაიწყო.
უწყების პრესსამსახურის ინფორმაციით, აღნიშნულთან დაკავშირებით გამოძიება სსკ-ის 240-ე მუხლით დაიწყო, რაც მშენებლობის, ან ექსპლუატაციის დროს უსაფრთხოების წესების დარღვევას გულისხმობს, რომელსაც ორი ან მეტი ადამიანის სიცოცხლის მოსპობა მოჰყვა.
ცნობისათვის, თბილისში, ქეთევან წამებულის 67 ნომერში, საცხოვრებელ კორპუსის ერთ-ერთ ბინაში CO – ს გაჟონვით 7 ადამიანი დაიღუპა. შვიდევე გარდაცვლილი თბილისში ნაქირავებ ბინაში ცხოვრობდნენ და მუშად მუშაობდნენ. „ყაზტრანსგაზ -თბილისში“ განმარტავენ, ოთახში სადაც მუშები ცხოვრობდნენ, აკრძალული ღია წვის კამერიანი გამათბობელი ჰქონდათ დამონტაჟებული.
კომენტარები