დეპუტატ ეკა ბესელიას არგუმენტი, რომ იურიდიულ საკითხთა კომიტეტის სხდომა არასამუშაო დღეს ტარდებოდა და ამის გამო არ გამოცხადდა, ყოვლად მიუღებელია, – ამის შესახებ კომიტეტის თავმჯდომარე ანრი ოხანაშვილმა განაცხადა.
დეპუტატის თქმით, სხვადასხვა, მათ შორის იურიდიულ საკითხთა კომიტეტის სხდომები უქმე დღეებზე არაერთხელ გამართულა.
„ეკა ბესელია არ გამოცხადდა შაბათს საკომიტეტო განხილვაზე. არგუმენტი, რომ ტარდებოდა არასამუშაო დღეს, არის ყოვლად მიუღებელი მარტივი მიზეზის გამო, სწორედ მისი თავმჯდომარეობის პერიოდში არაერთი სხდომა აქვს ჩატარებული იურიდიულ საკითხთა და სხვა კომიტეტებს, როგორც შაბათ დღეს, ასევე კვირას, შესაბამისად, ეს არ არის არგუმენტი“, – განაცხადა ოხანაშვილმა.
კომენტარები