თაკო ჩარკვიანი: ქვეყნის დამოუკიდებლობისთვის სასიცოცხლო ძარღვს გადავღრღნით

პარტია „კანონი და სამართლის“ დამფუძნებელი, თაკო ჩარკვიანი ირაკლი ოქრუაშვილის დაკავებას ეხმაურება. როგორც მან დღეს სხვა ოპოზიციური პარტიების წევრებთან ერთან გამართულ ბრიფინგზე განაცხადა, ქვეყნის დამოუკიდებლობისთვის უკიდურეს ნაბიჯებს გადადგამს ყველა პატრიოტი.
​ჩარკვიანი ბიძინა ივანიშვილს მოუწოდებს, დაადგეს კანონიკურ გზას და იფიქროს, თუ როგორ „გამოვიდეს ამ მდგომარეობიდან“.
„ჩემი, უკიდურესად ჭირისუფლის რჩევა იქნება, იმ სულელურ გზას და მავნებლურ, ბოროტმოქმედის გზას, რომელსაც ის [ბიძინა ივანიშვილი] დაადგა და რომელსაც ყოველ ნაბიჯზე ჩადის ჩემი სამშობლოსა და ქვეყნის წინაშე, უარყოს მან ეს გზა დაადგეს კანონიკურ გზას და იფიქროს, როგორ გამოვიდეს ამ მდგომარეობიდან და როგორ წავიდეს.
საქართველოს დამოუკიდებლობისთვის სასიცოცხლო ძარღვს გადავღრღნით ყველა პატრიოტი და ნორმალური მოქალაქე. აბა, დამიჭიროს”, – განაცხადა თაკო ჩარკვიანმა სხვა ოპოზიციური პარტიების ლიდერებთან ერთად.