თავდაცვის ყოფილ მინისტრს, ბრალდებულ ირაკლი ოქრუაშვილს მისივე თანაგუნდელები კოტე კემულარია, გურამ ჩალაგაშვილი და გუბაზ სანიკიძე თავდებში უდგებიან.
თბილისის საქალაოქო სასამართლოში ირაკლი ოქრუაშვილის მიმართ აღკვეთის ღონისძიების შეფარდებაზე მაჯელობენ. სხდომა დახურულ რეჟიმში მიმდინარეობს. აღნიშნულის მიზეზი სხდომათა დარბაზში დამსწრეების მხრიდან წესრიგის დარღვევა გახდა.
ირაკლი ოქრუაშვილი 25 ივლისს, 20-21 ივნისის მოვლენების საქმეზე დააკავეს. შინაგან საქმეთა სამინისტროს ცენტრალური კრიმინალური პოლიციის დეპარტამენტის მიერ, 2019 წლის 20-21 ივნისს პარლამენტის წინ განვითარებულ მოვლენებთან დაკავშირებით, ირაკლი ოქრუაშვილი და დანარჩენი პირები, მოსამართლის განჩინების საფუძველზე, სისხლის სამართლის კოდექსის 225-ე მუხლით გათვალისწინებული დანაშაულისთვის დააკავეს, რაც ჯგუფური ძალადობის ორგანიზების, ხელმძღვანელობის და მასში მონაწილეობას გულისხმობს. გამოძიების ინფორმაციით, პარლამენტის შენობაზე მიტანილი ძალადობრივი შტურმის დროს, ირაკლი ოქრუაშვილი, თანმხლებ პირებთან ერთად, მოუწოდებდა აქციის მონაწილეებს და თავადაც ცდილობდა პარლამენტის შენობაში ძალადობრივ შეჭრას.
ინტერპრესნიუსი