მარინა ეზუგბაია “მთავარ არხს” ბოიკოტს უცხადებს – მისი შეფასებით, არხზე შეკვეთილი სიუჟეტი გავიდა.
ლაბორატორიულად დადასტურებული ორი შემთხვევა და 90-მდე პირი კარანტინში – ასეთია ბოლო მონაცემები საქართველოში. ინფექციურ საავადმყოფოში ამ დროისთვის, 39 პირი რჩება. დღეს დილით მედია ბრიფინგს ელოდა, თუმცა მარინა ეზუგბაიამ ინფორმაციის მიწოდებაზე უარი განაცხადა. კლინიკის სამედიცინო დირექტორმა განაცხადა, რომ გუშინ “მთავარ არხზე” გავიდა შეკვეთილი სიუჟეტი, რის გამოც მან აღნიშნულ მედიასაშუალებას ბოიკოტი გამოუცხადა.
“მთავარ არხზე” გასული შეკვეთილი სიუჟეტის დროს გაცხადებული ცრუ, ცილისმწამებლური ინფორმაციის გამო, ამ არხს ბოიკოტს ვუცხადებ, მოვუწოდებ მათ, დატოვონ საბრიფინგო სივრცე, წინააღმდეგ შემთხვევაში, მე არ გავაგრძელებ განცხადებების გაკეთებას. თუ ამაზე ვერ შევთანხმდებით, კარგად ბრძანდებოდეთ,” – განაცხადა ინფექციური პათოლოგიის, შიდსისა და კლინიკური იმუნოლოგიის ცენტრის სამედიცინო დირექტორმა, მარინა ეზუგბაიამ.