სამეგრელო-ზემო სვანეთში თვითიზოლაციაში 10 ადამიანია. როგორც საზოგადოებრივი ჯანდაცვის ცენტრის რეგიონულმა ხელმძღვანელმა ნანა ოდიშარიამ აღნიშნა, იტალიიდან ჩამოსული ადამიანები თვითიზოლაციას ზუგდიდში, სენაკსა და წალენჯიხაში გადიან.
რაც შეეხება 4 ტურისტს, რომელიც თვითიზოლაციას მესტიაში გადიოდა, მათ ქვეყანა უკვე დატოვეს.
“არც ერთ მათგანს კლინიკური სიმპტომი არ აღენიშნება. უმეტესობა მკაცრად იცავს წესებს, თუმცა იყო რამდენიმე შემთხვევა, როცა შეტყობინება მოგვივიდა დარღვევაზე და შესაბამისი ზომები მივიღეთ, აღსანიშნავია, რომ ჩვენგან არც ერთი საკარანტინო ზონაში არ გადაუყვანიათ,“- განაცხადა ნანა ოდიშარიამ.
რაც შეეხება კლინიკებსა და ინფექციურ საავადმყოფოს, ახალი კორონავირუსის სიმპტომებით სამეგრელოში არც ერთი პაციენტი არ წევს.
კომენტარები