დაავადებათა კონტროლის ცენტრის ხელმძღვანელი ამირან გამყრელიძე აცხადებს, რომ კარგია სოლიდარობა, რომელსაც კორონავირუსთან დაკავშირებით ბიზნესმენები იჩენენ.
„კარგია, რომ სოლიდარობა გაჩნდა ქვეყანაში და ძალიან ბევრმა ბიზნესმენმა გამოთქვა ქვეყნის დახმარების სურვილი. მაგალითად, ერთ-ერთი სტამბა დაგვიკავშირდა და სრულიად უსასყიდლოდ დაგიბეჭდავს საპრომოციო მასალას. კიდევ ერთი დაგვიკავშირდა, რაში შეგვიძლია, რომ დაგეხმაროთო“, – განაცხადა ამირან გამყრელიძემ.
ბოლო მონაცემებით, საქართველოში დაფიქსირებულია კორონავირუსის 15 დადასტურებული შემთხვევა, კარანტინის რეჟიმშია 178 ადამიანი, ხოლო სტაციონარში მეთვალყურეობის ქვეშ 56.
კომენტარები