მცხეთის რაიონული სასამართლოს გადაწყვეტილებით, გიორგი შაქარაშვილის საქმეზე მსჯავრდებულ სამ არასრულწლოვანს ხუთი წლითა და სამი თვით, ორ არასრულწლოვანს ექვსი წლითა და ცხრა თვით, კიდევ ერთს კი სამი წლითა და ცხრა თვით თავისუფლების აღკვეთა მიესაჯა.
5 წლით და სამი თვის ვადით თავისუფლების აღკვეთა განესაზღვრათ ნ.ც-ს, ლ.შ.-ს და გ.მ.-ს. 6 წლითა და ცხრა თვის ვადით თავისუფლების აღკვეთა შეუფარდა ა.ქ- სა და ზ.ხ-ს, 3 წლითა და ცხრა თვით თავისუფლების აღკვეთა განესაზღვრა ნ.ქ.-ს.
დაცვის მხარე გადაწყვეტილებას სააპელაციო სასამართლოში გასაჩივრებას გეგმავს.
გიორგი შაქარაშვილის საქმეზე სულ 17 პირია დაკავებული, მათგან 6 არასრულწლოვანი იყო, ამჟამად, ყველა მათგანი, ზ.ხ.-ს გარდა, სრულწლოვანია
კომენტარები