„ფაიზერის“ ვაქცინის პირველ კვარტალში მისაღებად „კოვაქსის“ პლატფორმასთან ინტენსნიური მოლაპარაკება მიმდინარეობს”

ჯანდაცვის მინისტრის მოადგილის თამარ გაბუნიას განცხადებით, ქვეყანას აქვს როგორც მარეგულირებელი მზაობა, ასევე ტექნიკური იმისათვის, რომ კორონავირუსის საწინააღმდეგო ვაქცინაცია დაიწყოს.

მისივე თქმით, საქართველოს შეუძლია მიიღოს ნებისმიერი ტემპერატურული მოთხოვნის ვაქცინა. ამასთან, გაბუნიას ინფორმაციით, „კოვაქსის“ პლატფორმასთან მიმდინარეობს ინტენსნიური მოლაპარაკება პირველი დოზების ამ წლის პირველ კვარტალში მიღების თაობაზე.

„საქართველოს შეუძლია მიიღოს ნებისმიერი ტემპერატურული მოთხოვნის ვაქცინა. დღეისთვის ბაზარზე აღიარებული სტატუსით, ჩვენთვის მნიშვნელოვანია ჯანმრთელობის მსოფლიო ორგანიზაციის აღიარება, ასევე მკაცრი მარეგულირებელი ორგანოების აღიარება. რამდენიმე ვაქცინა ამგვარი აღიარების არის: „ფაიზერი“, „ასტრაზენეკა“, „მოდერნა“ . თუმცა, შემდეგ, როგორც კი ახალი ვაქცინა გამოჩნდება ბაზარზე მსგავსი აღიარების, რა თქმა უნდა, გეგმა ამასაც გაითვალისწინებს.

გეგმაში ძალიან მკაფიოდაა აღნისნული, რომ სამივე ტემპერატურული რეჟიმისთვის ქვეყანა არის მზად. ეს არის მინუს 80-გრადუსიანი, მინუს 20-გრადუსიანი „მოდერნასთვის“ და ორიდან რვაგრაადუსი რა თქმა უნდა, ეს არის რუტინული იმუნიზაციის ჯაჭვი, რაც ჩვენ მოგვცემს საშუალებას, ყველგან გავაკეთოთ ამ ტიპის ვაქცინაცია. ამდენად, ამ ტიპის მზაობა მაღალია.

რაც შეეხება ვადებს, პირველ ეტაპზე, და ეს პირველი ეტაპი არის პირველი კვარტალი 2021 წლის, ამასთან დაკავშირებით „კოვაქსის“ პლატფორმასთან მიმდინარეობს ინტესნიური მოლაპარაკება პირველი დოზების მიღების თაობაზე პირველ კვარტალში. ამისთვის პარასკევს სამინისტრომ გააგზავნა წერილი. დღეს იყო ბოლო ვადა ინტერესის გამოხატვის და დადასტურების, რომ ქვეყანას შეუძლია, ხვალვე რომ იყოს ხელმისაწვდომი, დაიწყოს ვაქცინაცია „ფაიზერის“ ვაქცინით. ეს კონკრეტული წერილი „კოვაქსის„ პლატფორმაში შეეხება „ფაიზერის“ ვაქცინას, „ფაიზერის“ ვაქცინით იმუნიზაციის დაწყებას პირველ კვარტალში. თუმცა, არ გამოვრიცხავთ იმასაც, რომ შესაძლოა, მსგავსი ინტერესი და შემოთავაზება „კოვაქსის“ პლატფორმიდან მივიღოთ პირველ კვარტალშივე „ასტრაზენეკათი“ ვაქცინაციის დაწყებასთან მიმართებით. მთვარია, რომ ქვეყანას აქვს როგორც მარეგულირებელი მზაობა, ასევე ტექნიკური ვაქცინაციის დასაწყებად მომდევნო ორი თვის განმავლობაში, რაც იქნება პირველი კვარტლის პერიოდში“, – განაცხადა თამარ გაბუნიამ.