ოპოზიციის ქმედება, მათი პოლიტიკა და ანტისახელმწიფოებრივი პოლიტიკა ემთხვევა უცხო ქვეყნის ინტერესებს და რა თქმა უნდა, ამას ჩვენი უსაფრთხოების სამსახურებიც უყურებენ და ღრმად მწამს, რომ ისინიც კარგ ანალიზს უკეთებენ ამ პოლიტიკური ძალების ფაქტორების ანტისახელმწიფოებრივ, ანტიეროვნულ ქმედებებს, – ამის შესახებ საქართველოს თავდაცვის მინისტრმა, ირაკლი ღარიბაშვილმა რადიო „იმედის“ ეთერში გადაცემა „კვირის პოლიტიკაში“ განაცხადა.
მისი თქმით, ნებისმიერი მცდელობა დესტაბილიზაციისა ჩვენი ქვეყნის, გვაშორებს ნატოში ინტეგრაციასა და ჩვენ ევროპულ პერსპექტივას.
„ნებისმიერი მცდელობა დესტაბილიზაციისა ჩვენი ქვეყნის, გვაშორებს ნატოში ინტეგრაციასა და ჩვენ ევროპულ პერსპექტივას. ეს კარგად ესმის ისეთ ბოროტ თავს, როგორიც არის ბოკერია, ისეთ ბოროტ ადამიანს, როგორიც არის სააკაშვილი. ისინი ამას გამიზნულად აკეთებენ და მათი ერთადერთი მიზანია, რომ რამენაირად დაიბრუნონ ძალაუფლება, რომლიც მათ ქართველმა ხალხმა ჩამოართვა და გარანტირებულად უნდა ითქვას, რომ ასეთი აგრესიული, მჩაგვრელი, უსამართლო ადამიანების მმართველობა დასრულდა ამ ქვეყანაში. ერთ-ერთი მთავარი მონაპოვარი ბიძინა ივანიშვილის არის ის, რომ ასეთი დიქტატორული მმართველობა ქვეყანაში აღარ დაბრუნდება“, – განაცხადა ირაკლი ღარიბაშვილმა.