ევროპული საბჭოს პრეზიდენტ შარლ მიშელის სპეციალური წარმომადგენლის, კრისტიან დანიელსონის ჩართვას ოპოზიციასა და ხელისუფლების დიალოგში გია ვოლსკი დადებითად აფასებს და იმედოვნებს, რომ მოლაპარაკება შედეგიანი იქნება.
გია ვოლსკის თქმით, მიუხედავად იმისა, რომ ბულინგი და შეტევა ხელისუფლებაზე ინტენსიურად მიმდინარეობს, მმართველი პარტია კვლავ მზადაა მოლაპარაკებისთვის:
“უმრავლესობის შემადგენლობაში, ჩვენს ფორმატში მაინც გამოთქვამენ იმედს, რომ პოზიტივი იქნება, ვინაიდან ძალიან დიდია საზოგადოების და საერთაშორისო საზოგადოების ინტერესი, რომ საქართველოში სტაბილურობა იქნეს შენარჩუნებული. მნიშვნელოვანია, რომ შედეგით დამთავრდეს და გადაწყვეტილების მიმღები ადამიანები ისხდნენ მაგიდაზე. რასაკვირველია, ეს ბულინგი, შეტევა და ჰეითერობა ინტენსიურად მიმდინარეობს, მათ შორის პრემიერ-მინისტრის მიმართ, მაგრამ დღეს გაცილებით მეტი ფასის და მნიშვნელობის საკითხი დევს მოლაპარაკების მაგიდაზე,” – განაცხადა გია ვოლსკიმ.