ოპოზიციური პარტიების ლიდერებთან შეხვედრის შემდეგ, ევროსაბჭოს პრეზიდენტის პირადი წარმომადგენელი საქართველოში, კრისტიან დანიელსონი ქვეყნის პრეზიდენტს შეხვდა.
დანიელსონისა და სალომე ზურაბიშვილის შეხვედრა ორბელიანების სასახლეში ცოტა ხნის წინ დასრულდა.
შეხვედრის დასრულების შემდეგ დანიელსონს კომენტარი არ გაუკეთებია.
შარლ მიშელის პირადი წარმომადგენელი, რომელიც პოლიტიკურ მხარეებს შორის დიალოგში მედიატორად უნდა ჩაერთოს, საქართველოს პრეზიდენტს 12 მარტსაც შეხვდა.
მაშინ დანიელსონმა განაცხადა, რომ მოლაპარაკებებში ჩართული მხარეებისგან უფრო მეტად შეიმჩნევა მზაობა შეთანხმების მისაღწევად. ის ასევე აცხადებდა, რომ საქართველო რეგიონში ყოველთვის დემოკრატიულობისა და სტაბილურობის მაგალითს წარმოადგენდა და ეს ვითარება არ უნდა შეიცვალოს, რადგან ეს საქართველოს ეროვნულ ინტერესშია.