“ირაკლი ღარიბაშვილის აქტიური ჩართულობით თბილისი გახდა ერთგვარი პლატფორმა დიალოგისთვის – საქართველომ დაიბრუნა რეგიონული როლი”

იურისტი თამთა მეგრელიშვილი სოციალურ ქსელში ირაკლი ღარიბაშვილის მიერ სომხეთ-აზერბაიჯანის კონფლიქტში გაწეული მნიშვნელოვანი როლის შესახებ წერს:

“სამხრეთ კავკასიას როგორც არასდროს ისე ესაჭიროება მშვიდობა და განვითარება, ამ პროცესში კი საქართველოს როლი განუზომლად დიდია! ირაკლი ღარიბაშვილის აქტიური ჩართულობით თბილისი გახდა ერთგვარი პლატფორმა დიალოგისთვის და აზერბაიჯანულმა მხარემ კონფლიქტის დროს დაკავებული სომხეთის 15 მოქალაქე გაათავისუფლა. საბედნიეროდ სომხეთის თხუთმეტივე მოქალაქე საქართველოს ტერიტორიის გავლით, ოჯახებს დაუბრუნდა. საქართველომ კი დაიბრუნა რეგიონული როლი – მედიატორის ფუნქცია და კიდევ ერთხელ დაადასტურა, რამ მნიშვნელოვანი წვლილის შეტანა შეუძლია რეგიონული თანამშრომლობის განვითარებაში, რეგიონში პოლიტიკური თუ უსაფრთხოების გარემოს გაუმჯობესებაში. მშვიდობა და განვითარება ჩვენს ქვეყანასა და მთელ რეგიონს!” – წერს მეგრელიშვილი სოციალურ ქსელში