“ოღონდ ხალხი გააგიჟონ და მოწამლონ, „სოციალისტური შეჯიბრი“ აქვთ გაჩაღებული. ამ შეჯიბრის დროს ხან ერთი დაეშვება ფსკერზე და ხან მეორე”, – ასე ეხმიანება ექსპერტი, ლევან ნიკოლეიშვილი სოციალურ ქსელში „მთავარი არხის“ ეთერში შინაგან საქმეთა მინისტრ ვახტანგ გომელაურის შესახებ გასულ ინფორმაციას.
მისი თქმით, ოპოზიციური არხები ერთმანეთს ეჯიბრებიან ამაზრენი ტყუილების, ფეიკებისა და დეზინფორმაციის გავრცელებაში.
„აბა, რას იტყვით, რა ახალი სიგიჟე შეიძლება, მოიფიქრონ შიზოფრენ-ტელევიზებმა? რით შეიძლება, გაგვაკვირვოს? ჯერ კიდევ ბევრი რამით: თითქოს, ერთმანეთს ეჯიბრებიან ამაზრენი ტყუილების, ფეიკებისა და დეზინფორმაციის გავრცელებაში, ხან ტვ პირველის მელაძე თავის კუდიანებთან და მჩხიბავებთან ერთად დააბრეხვებს სიგიჟეს, ხან გალვკანალი გამოხტება, ხან ფორმულა ტვ, მოკლედ „სოციალისტური შეჯიბრი“ აქვთ გაჩაღებული. ამ შეჯიბრის დროს კი ხან ერთი დაეშვება ფსკერზე და ხან მეორე და ცხოვრობენ ასე, ოღონდ ხალხი გააგიჟონ, ოღონდ ხალხი მოწამლონ, გახსოვთ პატიმრების ჩხუბსა და სიკვდილზე რომ გაავრცელეს ინფორმაცია და პატიმარმა, რომ გადარეკა სახლში მამასთან „ცოცხალი ვარო“.
ახლაც ციხეს შორს არ გასცდნენ და შსს მინისტრი ვახტანგ გომელაური, 90-ანებში დაპატიმრებული გახლდათო. მაგრად ჟღერს არა? ამჟამინდელი შინაგან საქმეთა მინისტრი და სახელმწიფო დაცვის სპეციალური სამსახურის უფროსის მოადგილე, გიორგი ხადური თავის დროზე ერგნეთის ბაზრობის კონტრაბანდის საქმეზე იყვნენ დაკავებული, ოღონდ მალე გამოუშვესო. მაგარია, ბრავო, მოფიქრება არ გინდა? და რატომ გამუშვეს მალე? აა, გასაგებია, ნამდვილად იცოდნენ 30 წლის შემდეგ, რომ გომელაური შინაგან საქმეთა მინისტრი გახდებოდა და „კოჭი გაუგორეს!“ სხვა ახსნა შეიძლება გვქონდეს?
ადრე ვამბობდი შიზოფრენ-ტელევიზებზე სამკურნალო არიან, ფსიქიატრი ჭირდებათ, მერე მივხდი, რომ ჩვეულებრივი მავნებელები იყვნენ, ოღონდ კრიმინალური გადახრებით. ახლა ნელ ნელა ვრწმუნდები ამათ ისეთ ფსიქოლოგიური აშლილობა აქვთ და გარკვეული თუ გაურკვეველი რაღაც-რაღაცეების დაუკმაყოფილებლობა, რომ თუ ვინმე უშველის კარგი ფსიქოლოგი, არა ძალიან მაღალ კვალიფიციური ფსიქოლოგი. ესენი ისეთ რამეებს იგონებენ და აბრეხვებენ ხოლმე, მხოლოდ კარგი ფსიქოლოგი ვერ უშველის, შეიძლება, სხვა რამემ უშველოს“, – წერს ლევან ნიკოლეიშვილი სოციალურ ქსელში.